海街丼 (E-Max) (已結業)

睇完戏见到有新开日本餐厅就黎试试，睇menu先发觉全部刺身丼基本上都有吞拿鱼，因为本身自己好怕腥，除左系日本食过一次拖罗觉得好味之外，平时绝对唔会食吞拿鱼，所以最后拣左厨师推介丼（拖罗+赤身+海胆），谂住贪佢唔系鱼蓉可以夹哂比男友自己食海胆🤣上台后店员介绍食法，首先有醋啫喱，饭本身冇落醋，可按自己个人喜好添加啫喱落饭到，因为试过有d铺头醋饭太酸，所以可以自己调较呢点几好另外仲有樽鱼汤，饭食剩三分一果阵可以加落去做茶渍饭，我自己就冇加，男友就好钟意个汤重点嘅刺身望落去好新鲜好靓，夹哂所有吞拿鱼去男友个碗后见拖罗咁靓仔就忍唔住夹返件谂住试下，试完后即刻系男友个碗夹返哂自己d拖罗😋拖罗好新鲜，好重鱼油香但一d都唔腥，夹埋加左芝麻同葱嘅饭一齐食更显甘香鲜味，好味到平时唔食吞拿嘅我都不停赞！海胆亦好新鲜好甜，赤身我就都系冇食过但男友话都好好味员工都好有礼貌好友善，而且都有留意你有冇d咩需要，亦会主动加茶而价钱方面开头睇menu都觉得有点高，晚餐刺身丼都系约200蚊，今次食呢个厨师推介丼就盛惠230蚊，但食完后会觉得食物质素系完全值呢个价钱，下次都会再黎！