梅丘壽司の美登利総本店 (雅蘭中心) (已結業)

❥⧽梅丘寿司の美登利総本店 ❥⧽开咗咁耐我一直都未试过, 终于有机会试吓喇。原来平日都比较少人, 所以唔会限时, 而卡座位坐得好舒适, 可以慢慢咁食。𓊈极上吞拿鱼盛合𓊉佢个样实在太靓喇, 望住已经流口水, 大拖好肥美, 入口即溶, 吞拿鱼蓉军舰细细粒不过好澎湃, 食得好爽, 最估唔到系赤身食落都唔错。𓊈三文鱼盛合𓊉三文鱼好新鲜呀, 件件都好肥美, 鱼生个 size 比平常长一半, 份量上已经好满足, 灸烧三文鱼全部都烧得好香, 充满油脂。小卷入面竟然都有三文鱼粒, 好惊喜。𓊈特选美利登刺身丼𓊉个摆盘好精致, 五颜六色, 睇见已经好开心, 刺身款式比想像中多, 全部都好新鲜, 虽然价钱略贵, 不过值得。𓊈牛油果海鲜沙律𓊉鱼生粒粒同牛油果/ 青瓜粒粒嘅比例竟然系50/50, 一d 都唔孤寒, 个沙律好鲜甜好好食。𓊈太卷𓊉见到隔离枱嘅太卷已经觉得好吸引, 忍唔住叫咗一客试吓, 佢个样平平无奇, 不过食落口感好丰富, 甜甜地, 如果唔系因为太饱, 绝对会再叫嚟食。✧✧ 整体食物都好新鲜好好食, 环境亦都好舒适, 系绝对会再去嘅一间餐厅。