影片
更多
2022-12-15
58 浏览
天气开始冻，朋友话新发现咗间好食火锅，去到我发现原来系改咗名叫方叔叔嘅渝味晓宇😂🪑环境企理干净，张枱够大，叫多几碟都唔怕无位摆，员工有礼貌，会介绍菜色。☎️平日夜晚都满座，建议预早订位。🥘鸳鸯麻辣锅辣汤叫咗普通辣，我呢啲唔太食辣嘅都觉得易入口，唔会俾辣椒抢晒食材嘅味道。🥚另一半叫咗皮蛋香茜锅，都几多皮蛋，茜味唔会太重，清清爽爽。🌱霞浦海带苗(半份）因为未试过所以试吓，系有少少海洋味道，但唔腥亦无沙的嫩海带，都几好食。🫘现炸豆皮(半份）我一向系响铃fans，呢个现炸豆皮我觉得仲好食过响铃！因为响铃太厚，好多餐厅炸唔脆，但呢块豆皮够薄，一定脆，一浸落汤就要拎起，咁就半软半脆好好味🤤🐮潮汕手打牛筋丸（半份）呢个十分推荐，劲爽弹！用筷子拮落去佢即刻逃走！好彩餐厅有送围裙，如果唔系我又有藉口买新衫😂🐂美国Prime牛小排(半份）有牛味，软硬适中，唔会太肥腻。🐟鲜龙趸片（半份）好厚肉😳完全唔腥，有鱼味。🐠鳗鱼(白鳝X半份）肥美软滑，无骨。🥬油麦菜(半份）正常，洗得干净。🌽炸芋头/甜玉米/鲜竹笙正常，新鲜，芋头几粉。🍨红糖冰粉打完热辣辣嘅边炉，食番一碗凉浸浸嘅冰粉都几爽！调味系淡淡嘅甜，仲有葡萄干、果
🪑环境
企理干净，张枱够大，叫多几碟都唔怕无位摆，员工有礼貌，会介绍菜色。
☎️平日夜晚都满座，建议预早订位。
🥘鸳鸯麻辣锅
辣汤叫咗普通辣，我呢啲唔太食辣嘅都觉得易入口，唔会俾辣椒抢晒食材嘅味道。
🥚另一半叫咗皮蛋香茜锅，都几多皮蛋，茜味唔会太重，清清爽爽。
🌱霞浦海带苗(半份）
因为未试过所以试吓，系有少少海洋味道，但唔腥亦无沙的嫩海带，都几好食。
🫘现炸豆皮(半份）
我一向系响铃fans，呢个现炸豆皮我觉得仲好食过响铃！因为响铃太厚，好多餐厅炸唔脆，但呢块豆皮够薄，一定脆，一浸落汤就要拎起，咁就半软半脆好好味🤤
🐮潮汕手打牛筋丸（半份）
呢个十分推荐，劲爽弹！用筷子拮落去佢即刻逃走！好彩餐厅有送围裙，如果唔系我又有藉口买新衫😂
🐂美国Prime牛小排(半份）
有牛味，软硬适中，唔会太肥腻。
🐟鲜龙趸片（半份）
好厚肉😳完全唔腥，有鱼味。
🐠鳗鱼(白鳝X半份）
肥美软滑，无骨。
🥬油麦菜(半份）
正常，洗得干净。
🌽炸芋头/甜玉米/鲜竹笙
正常，新鲜，芋头几粉。
🍨红糖冰粉
打完热辣辣嘅边炉，食番一碗凉浸浸嘅冰粉都几爽！调味系淡淡嘅甜，仲有葡萄干、果仁增加香味+口感，好食。
🍬红糖糍粑
烟烟韧韧，淡淡甜味，暖暖地，几有特色。
总括而言，材料新鲜高质，环境宽敞舒适，系三五知己聚会好地方。
📍 方叔叔重庆老火锅 (如心广场) (荃湾)
荃湾杨屋道8号如心广场一期3楼305号舖
张贴
