久兵衛外賣壽司店 (已結業)

知道黄埔最近开左间外卖寿司店，终于去到买黎试。叫左个一人前（葵）比小朋友，有13件，包括：熟虾、八爪鱼、鳗鱼、蟹柳、玉子、腐皮同埋青瓜肉松卷！佢竟然食得晒成份，应该系太好味吧。另外叫左个颇受欢迎嘅北海道鱼市场丼，有三文鱼、海胆、肥美带子，虾、北寄贝、飞鱼子，性价比极高！推介！再加左个软壳蟹卷，即叫即炸，好香口！一人前同丼都有甜品（泡夫）送，非常圆满！食材好新鲜，下次会试多几款丼同刺身，期待！