馳走家 (德福廣場2期)

营业中

休息中

嚟到德福商场二期食中午，比呢一间餐厅嘅装修吸引住🤣外面可以隔住玻璃窗睇到厨房里面厨师切鱼生，成件事真系好有日本嘅感觉。今次食咗个鱼生饭，一嚟到就已经知道今次一定系大满足。每样鱼生都大大片仲有蟹柳同埋玉子，可以话系要乜有乜。醋饭味道啱啱好同啲鱼生好夹，口感亦都唔会溶溶烂烂或者太死实，相当松软。印象中最深刻嘅品种系鲷鱼、三文鱼、鱿鱼。鲷鱼好出色，甘甜嘅鲜味再加上新鲜肉质嘅口感令人想再encore。三文鱼就相当肥美，比平时食寿司郎𠮶啲更好食。鱿鱼超厚切呈现半透明嘅奶白色，软韧嘅口感细嚼后香甜嘅鲜味爆发出来，可以话系MVP。食到一半有少少济，自制咗一个小寿司食😂紫苏叶成功缓解左我既腻感，配上鱼子一齐食口感再丰富咗。价钱其实小贵，不过整体嚟讲都算值得。