維港冰室

营业中

休息中

天气冻好想食汤面，但今日中午忙到得30分钟食lunch, 去维港食过早餐，上菜好快。就入座食个常餐 A 冬阴功肥牛汤米粉$58,配火腿白松露炒蛋自家制餐包。上枱都惊喜，因为好大好大份，冬阴功汤饮一啖少少辣好香，有几粒虾肥牛同埋好多杂菌菇，幼身米粉吸晒汤精华，个人觉得非常合口味好好食。炒蛋好滑，黑白芝麻的餐包，够健康。同事就食一个咖哩牛筋腩饭，正常发挥都好食。餐单上有非常非常多选择有16款焗饭，中午都有铁板烧，仲有特色炒粉面，仲可以叫小菜。另外买咗蝴蝶酥，麻薯包，同埋老婆饼返公司食做下午茶，个蝴蝶酥系一定会再回购，非常酥脆。麻薯包外面脆入面软人流不断，新开张希望可以一直保持水准，都会一直帮衬。