輕時光

营业中

休息中

天后電氣道一向好多隱世嘅飲品小食店，之前係網上見到報導有關呢間以水果乳酪做主打嘅飲品店，今日來開天后銅鑼灣一帶就特登行來呢條街試下。鋪面雖然唔大，但個佈置好清新簡潔，又用左好多植物做擺設；俾人好舒服、悠閒嘅感覺，同店名Take your time 輕時光好配合。舖頭店員都好年輕好nice，好有笑容同禮貌！！呢度以水果味道嘅飲品做主打，有優格蓋茶、優格奶昔、乳酸、牛奶、果昔同埋果茶系列，選擇都好豐富！平均價格$30一杯見好多人都簡雜莓同火龍果味嘅飲品，所以最後買左雜莓優格果昔同紅火龍乳酸。賣相真係好靚；尤其係呢杯紅火龍乳酸個漸變色整得非常好！！味道方面，雜莓優格果昔質地較稠，好似冰沙咁，因為係雜莓所以味道會係偏酸，但都有少少甜味，整體都好飲而且好fresh！！紅火龍乳酸個口感好滑、似益力多味之餘亦帶有淡淡火龍果味，整體味道唔錯，好解渴！！呢度嘅飲品都係用舖頭自家製嘅桂花糖，唔係用糖漿，所以味道偏向少甜，好健康！總括來講，呢度嘅飲品用新鮮水果製，只係賣$30左右算係幾抵，而且味道都好飲，尤其推薦優格果昔系列。