輕時光

营业中

休息中

天后电气道一向好多隐世嘅饮品小食店，之前系网上见到报导有关呢间以水果乳酪做主打嘅饮品店，今日来开天后铜锣湾一带就特登行来呢条街试下。铺面虽然唔大，但个布置好清新简洁，又用左好多植物做摆设；俾人好舒服、悠闲嘅感觉，同店名Take your time 轻时光好配合。舖头店员都好年轻好nice，好有笑容同礼貌！！呢度以水果味道嘅饮品做主打，有优格盖茶、优格奶昔、乳酸、牛奶、果昔同埋果茶系列，选择都好丰富！平均价格$30一杯见好多人都简杂莓同火龙果味嘅饮品，所以最后买左杂莓优格果昔同红火龙乳酸。卖相真系好靓；尤其系呢杯红火龙乳酸个渐变色整得非常好！！味道方面，杂莓优格果昔质地较稠，好似冰沙咁，因为系杂莓所以味道会系偏酸，但都有少少甜味，整体都好饮而且好fresh！！红火龙乳酸个口感好滑、似益力多味之余亦带有淡淡火龙果味，整体味道唔错，好解渴！！呢度嘅饮品都系用舖头自家制嘅桂花糖，唔系用糖浆，所以味道偏向少甜，好健康！总括来讲，呢度嘅饮品用新鲜水果制，只系卖$30左右算系几抵，而且味道都好饮，尤其推荐优格果昔系列。