天聚源 (已結業)

有冇谂过喺香港可以喺一个咁嘅地方食蒸气火锅：高楼底又有空间感的木屋，木屋外面又有几张长木枱，仲有一个露天金鱼池，旁边仲有三只超巨型大乌龟，一旁仲有不同新鲜嘅活海产直接成为蒸气火锅嘅食材?唔系讲假，呢度唔系台湾丶大陆，而系屯门蓝地轻铁站旁的火锅餐厅，佢仲提供多种德国樽装啤酒，啱晒钟意饮麦味重啤酒嘅我。今晚食左个海鲜蒸气火锅套餐，有龙虾丶蟹丶大虾丶扇贝丶带子丶圣子丶大大小小嘅新鲜贝类海鲜，仲有咸鸡丶乌冬丶同埋汇聚海鲜精华嘅白粥，海产新鲜不容置疑，侍应会替你用计时器配合每款不同海鲜蒸熟的时间，我同朋友一边倾计一边饮啤，侍应到时候就将蒸好的海鲜放在大家面前，跟著又将另外一样海鲜放入蒸气㶽内，如此这般，我地就慢慢享受这次美味的海鲜蒸气火锅大餐了。