和歌山 (新鴻基中心)

营业中

休息中

新鸿基中心新开日式café环境靓，选择都好多。海胆酱蟹肉意粉128HKD海胆味道超浓，每一条面上都沾有满满海胆酱，有两只大大条蟹腿肉陪衬，令到整体口感更加丰富。比目鱼柚庵烧御膳 138HKD御膳set好靓，有小菜、主食、配菜、汤，蛋，米饭系日本珍珠米，软腍浓浓米香，捞蛋食一流。比目鱼先甜多汁，入口即化，鱼皮略微香脆，食完主食再淡淡饮一啖暖暖既味噌汤，好舒服。自家制牡蛎🥟 78HKD第一次见牡蛎饺子，咁系要试！饺子系煎饺，表皮香脆，一啖咬落去好多蚝肉，中意海鲜既朋友仔可以冲！西柚玫瑰茶 48HKD呢餐我既最爱，好耐未试过饮咁靓，又够香味，唔会好甜既果茶。西柚和玫瑰既融合岩岩好。