影片
更多
2018-05-30
6417 浏览
除左火锅外，另一样我最经常食嘅，应该就系烧肉了。不论日式烧、韩式烧，始终都系去连锁店多，毕竟价钱较相宜。提到韩烧，朋友间多数去某一两间，反而第一次到访新麻蒲。新都会分店面积都几大，平日晚上都几好生意。一贯韩烧装潢格局，以卡座为主，阔落舒适。抽风不俗，至少食完都冇一阵烧肉味餐牌除左烤肉，亦有供应其他韩式料理，小食、拌饭、汤品、煎饼等，价格都系同一般连锁韩国野差不多其实人少少食烧肉有时几烦恼，想点多啲又怕食唔哂，但叫一两款肉又好无瘾。新麻蒲有套餐，分牛肉、猪肉、牛猪配搭，定价$368-678。点单后，店员就已经好快手上沙律、前菜、包肉生菜、酱油，满满一桌。麻酱沙律几开胃，至于前菜可任添，包括有泡菜、酸萝卜、豆芽、白菜等，呢度嘅泡菜较淡，唔会好重口味。食韩国野至少要有咁嘅排场先满足，店员见我地食完，亦有主动问及需要添加与否另一样食韩烧最大嘅乐趣就系炉边蛋喇，蛋浆加有少量泡菜，好快烤好，虽然偏淡，不过蛋皮微脆，一口接一口。此外仲有芝士粟米，不过份量唔多，而且只有头一轮免费额外添加$28即可任食，相对其他韩烧略为失色啲。牛+猪肉套餐1 $548呢款套餐几齐全，包括有特级霜降牛肉100g、护心肉1
点单后，店员就已经好快手上沙律、前菜、包肉生菜、酱油，满满一桌。麻酱沙律几开胃，至于前菜可任添，包括有泡菜、酸萝卜、豆芽、白菜等，呢度嘅泡菜较淡，唔会好重口味。食韩国野至少要有咁嘅排场先满足，店员见我地食完，亦有主动问及需要添加与否
另一样食韩烧最大嘅乐趣就系炉边蛋喇，蛋浆加有少量泡菜，好快烤好，虽然偏淡，不过蛋皮微脆，一口接一口。
此外仲有芝士粟米，不过份量唔多，而且只有头一轮免费额外添加$28即可任食，相对其他韩烧略为失色啲。
牛+猪肉套餐1 $548
呢款套餐几齐全，包括有特级霜降牛肉100g、护心肉120g、秘制牛排骨120g、什锦拼盘 (年糕、蘑菇、香肠、大虾)、4件火炙霜降牛肉寿司、两杯非酒精饮品、1份雪花冰、部队锅，基本上由前菜到甜品都齐哂，两个人够哂饱
霜降牛肉寿司系店员即时喺面前炙烤，几细心会问及熟成度，并加上芝麻酱，味道唔错，喺烧肉前先开开胃。
至于其他食物系以层架送上。
先试霜降牛，文案话系由韩国厨师亲自挑选嘅A++鲜肉，牛肉四片，色泽红润，脂肪唔多，颇有肉味，但可能我地未掌握到时间，烤得略老。
反而对牛排骨更有印象，烧起后剪开再包生菜、酱料食，一流。肉质较松软。至于护心肉亦都几好食，唔肥腻之余反而几爽
拼盘质素中规中矩，纯粹平衡满满肉感，大虾两只都几爽弹，但香肠只有一小件；第一次烤年糕，烤起后硬脆干身，米味颇重。
枱面分两个炉，一个烤肉，另一边系煮部队锅，几方便。当两边全开后，我地都好忙，不停食食食。
部队锅中有牛肉、餐肉、肠、面、菇，冇花巧，味道亦系正正常常。
甜品方面，豆粉或红豆豆粉雪花冰二选一，钟意试其他口味可以加$12转。我地拣左红豆豆粉冰，足够两人分享，豆粉均匀铺于牛奶冰上，加入红豆、年糕，冰磨到好似椰丝咁一粒粒，厚绵而甜度唔会太高，简单好食
饮品
餐牌：
张贴
