新龍城茶樓

营业中

休息中

旧式茶楼真系买少见少，点心车无疑是一个卖点，呢度虽然无流动点心车，但呢度有嘅系环境、气氛同人情味，新鲜点心会不定时拎出嚟，跟住大家会一窝峰排队拎，点心味道唔错架，价钱大约廿蚊左右，而茶钱每位$3-5，不过呢度衞生就好一般，两只碗都残留点心皮，哈哈！🥢排骨⭐️⭐️⭐️⭐️排骨份量唔少，肥瘦参半，蒜蓉豆豉够香，底仲有芋头，好正。🥢棉花鸡⭐️⭐️⭐️⭐️抵食夹大件，整体味道正常，太耐无食好想食下。🥢鱼翅饺⭐️⭐️⭐️我印象嘅鱼翅饺系有素翅响𥚃面，但呢个鱼翅饺就只得猪肉，味道比较寡，但热食都系ok嘅。🥢烧卖⭐️⭐️⭐️⭐️有虾有冬菇响入面，猪肉比例多过肥膏，真材实料，好好味。🥢煎肠粉⭐️⭐️⭐️⭐️⭐️响车仔即叫即煎，条条都轻煎到金黄色，外脆内软，有葱有虾米，连豉油都好好味。二人共消费：$125