旅鍋火鍋私房菜專門店 (已結業)

今晚同一班朋友烚下烚下，朋友揾到呢间火锅店。首先佢个位置真系无得输，方便到一个点，超级易揾~ 喺门口望落去，就好似时光隧道咁，所有既装修都同机场/旅行有关~ 入到餐厅，佢仲有4间房，但去到4间房都full哂，不过有见到啲房原来每间都唔同主题，我地见到有日本同印度做主题既房，同埋原来度仲可以唱埋K，如果成班朋友book间房打边炉又唱K应该都几开心~讲下野食先，首先推介呢度既牛，我地叫左一个牛颈脊同一个手切嫰牛，啲好有牛味同埋真系好滑~ 另外我觉得有几样特式野食真系要试，包括风尘三侠(手打墨鱼滑、虾滑同鸡滑) ，墨鱼滑同虾滑食得多，鸡真系少，但系佢3个滑都好好食~ .另外系佢啲饺，我地除左鱼皮饺之外其他饺都试哂，啲饺好扎实好多馅，最特别系XO酱鲍鱼鲜虾饺~ 之后系伊比利亚猪肋条，佢熟左之后个样真心唔吸引，因为好似好"谐"咁，但唔好俾佢个样呃左，因为食落去食腍滑架~最后系日本国产鸡颈肉，呢个大家真系好期待，因为个个都想知鸡颈去边切啲肉出黎，但原来佢旧肉都唔细，呢个真系够特别~呀同埋可以食埋台湾水莲，因为呢种菜出面好少有~