影片
更多
2021-09-05
16 浏览
网上见到Baby Satay一口沙嗲有串烧外卖食，贪得意买咗四盒（12串一盒）返屋企玩下。其实都好方便，去佢西环自取店拎，好快就有得食lu。好似买满10盒仲可以免运费送上屋柜，可惜雪柜唔够大啦。尤其是而家疫情，出去食串烧都唔太放心；自己整又有另一番风味同趣味。今次买咗四包各12串的串烧，同埋个迷你电子炉，有埋酱汁好抵玩呀！就算返到屋企，煮食嘅方法都有好多种类，说明都非常清晰。无论用煎pan煎，用焗炉焗，或者用佢个电烤炉都好简单。四款之中最钟意烧鸡串。尤其系自己烧，可以烧到有啲微焦嘅效果。鸡肉好够滑嫩juicy，净系烧紧嘅时候，都听到卜嗞卜嗞嘅声音。烧猪都唔错，平均都系烧八分钟左右就食得。猪肉感觉扎实，但唔鞋口，同样keep到肉汁，食落有肉味。牛肉都okay架，但相对而言冇鸡同猪咁惹味，就系食牛肉啰。其实佢啲腌汁本身都好惹味。四款都是一样的，用嚟送饭或者就咁食都好香。可能我冇咁钟意食羊啦，相对比较逊色，同埋鞋身啲。骚味就唔系好重嘅。好钟意佢个沙嗲酱，有好多花生粗粒。质地相对稠，但系几香嘅。另一款应该系佢自家制酱汁。有花生原粒、菜脯碎、虾米干、红葱头等香料，净系咁讲已经知有几香啦。不过如果
今次买咗四包各12串的串烧，同埋个迷你电子炉，有埋酱汁好抵玩呀！就算返到屋企，煮食嘅方法都有好多种类，说明都非常清晰。无论用煎pan煎，用焗炉焗，或者用佢个电烤炉都好简单。
四款之中最钟意烧鸡串。尤其系自己烧，可以烧到有啲微焦嘅效果。鸡肉好够滑嫩juicy，净系烧紧嘅时候，都听到卜嗞卜嗞嘅声音。
烧猪都唔错，平均都系烧八分钟左右就食得。猪肉感觉扎实，但唔鞋口，同样keep到肉汁，食落有肉味。
牛肉都okay架，但相对而言冇鸡同猪咁惹味，就系食牛肉啰。其实佢啲腌汁本身都好惹味。四款都是一样的，用嚟送饭或者就咁食都好香。
可能我冇咁钟意食羊啦，相对比较逊色，同埋鞋身啲。骚味就唔系好重嘅。
好钟意佢个沙嗲酱，有好多花生粗粒。质地相对稠，但系几香嘅。
另一款应该系佢自家制酱汁。有花生原粒、菜脯碎、虾米干、红葱头等香料，净系咁讲已经知有几香啦。不过如果话配串烧嚟讲，都系沙爹酱夹啲。因为外卖买返屋企，所以有弹性。个酱我用咗嚟炒瓜呀，就超香超惹味啦😆😆
另外仲烚咗啲菜，买咗支凉茶，洗定啲生菜做生菜包。哗食落再fresh啲，直头想买啲啤酒呀！
所以整体感觉，觉得又好玩，又方便，又实用。烧烤𠮶时都唔会好大烟，喺厨房烧都方便，咁就可以继续买多几包来refill啦~
张贴
