和田便當 (已結業)

Office搬咗过嚟金钟，自己都一边摸索紧呢边有咩食，疫情嘅关系多数都会买外卖返公司食。今日就轮到试呢一间便当。喺佢哋嘅网页上边已经睇咗每日嘅款式，睇啱自己食𠮶日就落去买🤭操作都几方便，喺部机度拣好咗再拍一拍八达通，拣自己想食嘅，便当就会送到面前。🍱一口牛配蒜香山贼烧酱汁一口牛大概有8-10块，山贼烧汁带少少辣几惹味，配料有洋葱同埋薯仔仲有蒜片，用嚟送饭非常之夹！便当仲包埋前菜，有玉子蕃茄仔同埋西兰花，呢个都几有心思🍱香草鸡扒配烟肉炒薯仔🥔除咗有白饭之外，佢哋仲有炒薯仔或者炒面呢啲便当，唔同嘅日子提供唔同嘅款式。鸡扒劲厚又腌得够味，浓浓嘅香草味，炒薯仔又够香口。同样都有西兰花同埋蕃茄仔做前菜。佢哋嘅便当仲会包一个嘢饮，饮品嘅选择都唔少，拎完饭嘅时候喺饮品柜到拣一个就可以。