唐包點 (港鐵海怡半島站)

营业中

休息中

無啦啦轉掛3號波，風大雨大，路面交通大混亂，搞到轉車去港鐵站嗰程小巴塞咗幾個字，好彩呢輪港鐵無咩事故，平平安安坐到去海怡半島。不過，去到海怡半島站都比平時遲了15分鐘，亦搞到趕唔切去食早餐。幸好海怡半島站出口就有間外賣店。有好多點心選擇。揀咗叉燒包 ($7.5) 和鮮竹卷 ($17)。店員好細心包裝，仲放埋雙膠叉入去個膠袋內。拎到返公司 pantry，啲點心仲係熱，沖杯咖啡就成為一個豐富早餐。鮮竹卷有三條，餡料都多，食落味道都唔錯。叉燒包有成個手掌咁大個，裡面仲有好多叉燒餡。平時在翠華買個菠蘿包都要七蚊雞啦，呢個叉燒包只係賣七個半，算好抵食。