八居酒屋 (旺角新城)

营业中

休息中

去旺角交收，求其去咗间日本嘢，意外发现惊喜，味道出色，选择又劲多。火炙丼刺身同鳗鱼等等丼物都厚切，烧完仲有啲鱼油，好香口。最有惊喜系丼饭，除咗加咗饭素之外，连啲醋饭都有火烧过，食落劲香炙烧味。刺身丼一样都好厚切，刺身竟然有金目鲷！！即刻成碗抵返晒。鹅肝寿司鹅肝烧完啲油好香，再渗落去饭到，一啖食就食到成口鹅肝油味，超香。金目鲷寿司金目鲷都厚切，鱼油香味，唔点豉油都食到佢嘅鱼鲜味。烧三文鱼饭团烧到面𠮶浸有焦香味，食落有饭焦嘅口感，之后就下一层有返啲三文鱼同饭香味。