三川居酒屋 (已結業)

收工之后同朋友想去居酒屋Chill吓，所以就嚟咗铜锣湾嘅「三川居酒屋」！去开sogo行街完，好方便嘅地理位置。一入到去见到日式装修，环境舒服，好啱我哋倾偈。叫咗「$598特盛2人餐」，首先上咗前菜「牛油果三文鱼野菜沙律」，好钟意佢个味道，够酸又开胃，牛油果粒粒配三文鱼好正！之后就上咗「鱼脂刺身三点盛」，全部都劲厚切，啖啖肉。之后我哋加钱叫咗「浓汤时令海鲜锅」，新鲜热辣奉上，饮到暖入心，之后上咗个「蟹膏蟹肉炒饭」，加入咗些少蟹籽，令口感好丰富。之后就上「岩盐香草烧纽西兰羊架」，新鲜烧起，羊肉劲Juicy，如果有两件就好啦！最后甜品我哋拣咗豆腐雪糕同埋绿茶雪糕，今餐真系食到好满足！