海麗閣海鮮酒家

营业中

休息中

放工同几个同事打算医饱个肚先返屋企，同事话近近地就黎呢度试吓。呢到又真系几好方便，近港铁站，酒楼环境都舒服。可以刚刚过咗父亲节，加上今日又系平日，所以今晚人流唔算多。同事极力推介清蒸沙巴斑，$128一条，都几抵食，大约都有一斤重，也新鲜，蒸得合到好处，鱼肉也很滑。红烧BB乳鸽做优惠$28.8一只，我哋叫做两只，虽然唔咪好大只，肉唔多，不过又炸得几好味！乳猪拼烧鹅$198，份量都足，乳猪也脆囗！仲有虾干通菜啫啫煲$98，够晒热，个煲加左虾干超惹味，可惜虾干份量唔够多，D汁加埋落D饭到食好香。整体来说，我哋四个都觉得抵食，环境舒服，味道唔错。