巴巴串

营业中

休息中

今日我去观塘睇啲工厂大厦入面嘅家私舖，行咗几个钟头之后超级肚饿，竟然发现呢间有任食串烧同烧物，啱啱好有位，于是就决定上去试一试！呢度有A、B同C餐，两个钟头任食。 A餐任食串烧同炸物 B餐开始有安格斯牛、鸡泡鱼干同扇贝等 C餐竟然有长脚蟹同黑毛和牛！我哋最后拣咗B餐！安格斯牛、扇贝同鸡泡鱼干安格斯牛质素好高，肉嘅纹理清晰，果然一烧十几秒就好香，一咬入面完全唔韧，牛味浓郁！扇贝同鸡泡鱼干味道都几好，唔错唔错。任食串烧我哋试咗鸡肉串、鸡翼串同牛柳串！放喺自动烧烤机，真系可以解放双手，倾偈食得！任食串烧质素都好高，完全唔韧。除咗肉，仲有烧菠萝、棉花糖等等，好味！任点菜式除咗烧肉同串烧，餐厅仲有纸仔俾你任点。我哋试咗蒜蓉烧蚝、烧牛仔骨、盐烧海虾同埋啲菜，全部都好不错！特别系牛仔骨，一入口好易咬，牛味十足！最后，我哋食咗个芒果同伯爵茶雪糕，超级饱！下次要过嚟试埋C餐，狂食长脚蟹同和牛啊！