營豐海南雞專門店 (已結業)

平时都好少系西湾河揾好野食，今日啲朋友话想系柴湾食下野，所以就谂起食海南鸡饭。依间海南鸡饭都成日见到好多人去买外卖，就决定去试下。佢除咗海南鸡饭都有好多选择，有口水鸡、咖哩，仲有啲小食，猪扒、鸡扒、鸡脚都几吸引。海南鸡饭配油饭，佢个油饭系加咗黄姜粉，所以个卖相都几靓，个饭都吾算太油。而海南鸡就比较滑，加上我地叫咗去骨海南鸡饭，所以食落都特别方便。口水鸡配油饭，口水鸡个酱都几惹味，吾算好辣，但又好开胃，不过个底就有少少油。海南鸡同口水鸡都系套餐，所以包咗个餐汤，系东瓜煲鸡，都几清甜，仲有几旧东瓜系入面。香茅煎猪扒，店舖好贴心，帮我地剪到一条条，方便我地share。泰式鸡脚，依个系甜酸汁既鸡脚，最重点系佢去埋骨，真系好方便。