OH MY GOOSE! (已結業)

今日阿妈又话想食烧味，一search先知原来朗豪坊呢度有间新开嘅烧味店，嚟到呢到行街，紧系要嚟试下啦❤️见佢哋入面做嘢嘅地方干净企理，而且姐姐都好热情咁介绍有啲咩好嘢食！🤩🤩先来只限量供应嘅烧鹅髀饭，真系好大只！隔住块玻璃都流晒口水🤩🤩再叫咗个半肥瘦叉烧 同 靓鸡想食创新嘅嘢，其实呢度都有㗎！黑松露手撕鸡饭，真系几特别。手撕鸡份量都算充足，而且加上满满嘅黑松露酱（捞晕）同埋好香嘅葱油。本身饭都冇葱油味。所以其实系多重味道，但系又出奇地非常夹❤️黎个双拼饭，油鸡同叉烧。个油鸡一啲都唔咸而且皮薄。鸡油慢慢一咬落去慢慢渗出嚟，鸡肉亦都相当之嫩滑🤩😍半肥瘦叉烧，叉烧够淋！而且片片厚薄适中 ， 食起上嚟仲带点油香味，几有咬口，相当唔错😋😋主角登场喇！就系每日限量供应嘅烧鹅髀饭，都算大只，而个皮够脆！鹅味香浓，呢个真系必点呀❤️❤️黎张大合照畀大家一次过睇清楚佢哋嘅真面目啦。 如果唔钟意拎返屋企食嘅，都可以买完系佢哋嘅food court到食嫁😉