逸翠軒點心專門店 (已結業)

近期好似多左好多点心专门店，逸翠轩喺尖沙咀就有两间分店，而家连夜晚都可以叹点心，好方便。食客除左好多都系游客之外，有唔少都系本地人，行完街叹返个夜茶，几笼点心，够晒开心啦。茶位$4，但就冇得拣咩茶，如果有得拣咩茶会更好。如果钟意食盅头饭，有套餐供应添。我就钟意饮汤，淮山杞子元肉炖老鸡汤原盅上枱，多材料又几清润。逸翠鲜虾饺系有绿白两只色，卖相靓之余入面仲有好多笋同虾肉，真材实料。蟹籽蒸烧卖入面虽然有虾同猪肉，但就食到几旧肥猪肉，唔系我喜欢的。芝心虾春卷即炸够脆口，入面加左芝士有拉丝效果，呢个配搭唔错。叉烧菠萝包一次满足两个心愿，细细个几cute。姜汁枣拉糕作为甜品，枣味浓姜味就唔多够，偏甜。所有野食都冇加一，每人几十蚊够经济。