御藏 (已結業)

今日得一个人食中午饭，系砲台山呢一头都唔知食乜好，嚟嚟去去都系食茶餐厅，中式蒸饭或粉面或者系西餐，食来食去都系果d，今日所以行远少少，谂住揾啲特别啲嘅嘢食下。行到去国都广场，见到一间日式外卖店，好奇之后入去睇下，初头以为呢间“御藏“只系买啲外卖寿司，但系再行入啲见到有好多唔同种类嘅嘢 ，包括有以下饭类:1)刺身饭2)牛肉饭或其他3）日式滑蛋饭蛋包饭4）咖哩饭饭5）意大利鲜茄饭除此之外佢仲有个专柜专摆放三文鱼刺身及寿司。佢嘅外卖套餐都好抵食，每款约$50至$60蚊到就可以食到一盒饭连埋一个普通饮品。 呢一次我就点咗个猪软骨炒饭，呢个猪软骨炒饭用一个黑色胶盒载，住攞到返公司嘅时候仲系热嘅，一打开个盒盖，就闻到好香，留意到佢哋咪系啰日式珍珠米嚟做，炒饭嘅时候再加独特的酱料，非常好味。除此之外，佢的配料都好足，有红萝卜，椰菜，西兰花，翠玉瓜，炒起上嚟非常好味，另外猪软骨亦都好有咬口。 临走之前仲攞咗个外卖单睇，等公司d同事可以起叫外卖，因为佢$150蚊就可以送货。