影片
更多
2023-09-20
141 浏览
呢间帮衬左冇十次都有八次, 本身都唔打算写返食评, 但见影左相就顺手写几句出埋啦~今次系同朋友食, 佢叫左牛三宝幼面, 我叫左四宝丸河，唔单止够晒足料，面嘅份量都好多好够，我哋仲加左小食同菜，晚餐食到好饱。我地交换啲𩠌食，所以样样都试晒。牛筋牛腩牛肉牛杂都好入味，咬口一流。至于啲丸同埋饺，真系如图所示大大件，而且食落新鲜冇沙。鱼蛋弹牙, 牛筋软硬适中,两样都口感一流,老少皆宜｡特别钟意个小食墨鱼春卷，好爽脆！虽然煎炸但细细件啱啱好呢个价钱绝对超值啦！唔怪之得客似云来啲店员都好忙，同时间要应付堂食同外卖客，但上菜速度快嘅。希望香港呢啲地道食店多啲&会长存，因为呢种味道确系香港先食到
张贴
