School Food Blooming Mari (新都城中心) (已結業)

School food 喺新都城有间分店，方便我有时逛完之后系呢度买外卖，撞啱今日就系呢度买啲嘢食返屋企食。原来呢度都有堂食，不过座位唔多，而且一心就系想攞返屋企食，所以都冇坐低。望住餐牌都有唔同选择，我首选系紫菜包饭，跟手再点些炸物食。墨汁鱿鱼紫菜包饭~墨汁本身冇什么味道只系整色整水令外观较特别，反而墨鱼几干身烟韧。吉列脆虾紫菜包饭~呢个要趁热食，因为炸虾先可以维持脆口感觉，唔错。炸物中叫了炸饺子同紫菜卷，几干身唔油腻，饺子size适中，大啖啲可以一口一只。紫菜卷用炸的形式系另一番口感，唔会太咸味道适中。正如其名school咁简单方便，有时太赶时间可以带走紫菜包饭，轻松方便又一餐。夏天有时冇乜胃口拣食呢啲都唔错嘅选择。