影片
更多
2021-05-24
2308 浏览
不知不觉于第4波疫情后，迪士尼已经重开了3个月。始终疫情未完全受控下，第5波疫情出现既可能性仍然有一定程度既机会，所以以安全既方式前往主题乐园游玩，对于放松心情都系唔错既选择。而迪士尼响应对疫情而采取既措施亦都唔少(不论系员工检测既频率﹑周围都见到既消毒用品﹑员工于游乐设施及餐厅勤力既消毒及清洁)，都会令你相信所有触及过既地方都系安全既。作为小小既迪士尼粉丝，于35度既天气入迪士尼游玩真系好热，所以小编与几位朋友们都希望揾到个舒适既环境享用午餐。而大街餐厅(Corner Cafe)因为政府防疫措施而只可提供50%入座率关系，建议大家如果11点前入园既话就先去预约留位(轮到你个阵会收到SMS并有15分钟留枱)，否则小编11点留枱而1点左右收到SMS去入座个刻，等候枱数已经去到240张枱的恐怖程度(甚至员工已表示有可能关园前都未有枱提供)。迪士尼而家以15周年为题，推出左一系列既精选食品，而大街餐厅内既纸枱垫亦已经换上15周年既主题! 不过小编星期六入座个刻就未见有相关既宣传(可能太多人既关系)，所以就直接于主餐单内揾好野食吧! (详细餐单可参阅食评最底既部分)大街餐厅既甜品一向都系小编及
作为小小既迪士尼粉丝，于35度既天气入迪士尼游玩真系好热，所以小编与几位朋友们都希望揾到个舒适既环境享用午餐。而大街餐厅(Corner Cafe)因为政府防疫措施而只可提供50%入座率关系，建议大家如果11点前入园既话就先去预约留位(轮到你个阵会收到SMS并有15分钟留枱)，否则小编11点留枱而1点左右收到SMS去入座个刻，等候枱数已经去到240张枱的恐怖程度(甚至员工已表示有可能关园前都未有枱提供)。
迪士尼而家以15周年为题，推出左一系列既精选食品，而大街餐厅内既纸枱垫亦已经换上15周年既主题! 不过小编星期六入座个刻就未见有相关既宣传(可能太多人既关系)，所以就直接于主餐单内揾好野食吧! (详细餐单可参阅食评最底既部分)
大街餐厅既甜品一向都系小编及老公既至爱，而$98既价钱相对户外店$40/支雪条或雪糕店$52/杯雪糕筒黎计，呢个价钱有得坐有得食其实好抵。不过时值午饭时间，还是向大街餐厅质素唔错既套餐著手吧! 简单讲套餐介乎$178-$288计算，包括1款5选1前菜(汤/沙律/小食)及1款主菜，如有需要可加$18换购果汁/汽水 (户外店买需要$30以上)。
以下就系小编与老公所点既菜色及评价：
前菜1 - 蟹肉木瓜沙律：还可以。其实最主要入面有小编唔太喜好既生洋葱，但以蟹肉份量及木瓜清甜味道黎讲，再加上整份沙津既卖相，睇得出厨师有心机去布置及装饰，所以值得加分。
前菜2 - 酿鸡翼炸薯丝虾及洋葱圈：抵食。本身配有1只鸡翼﹑1件虾及3件洋葱圈，而且再配有芒果蕃茄及沙律菜作伴菜。鸡翼酿入类似免治鸡肉(有少少芝士香味)；而薯丝虾可能之前炸定而稍为腍身；至于洋葱圈刚巧新炸起，所以好香口；配以蕃茄同芒果可以解油腻感。
主菜1 - 地中海海鲜意粉 (套餐$218)：好味! 海鲜意粉配有2只大虾﹑2只鱿鱼圈﹑2只青口及1块鱼扒。虽然比初次食海鲜意粉计，龙虾汁既浓度相对较淡，但夹起意粉个阵仍然会闻到阵阵既龙虾味，而几款海鲜亦颇新鲜(尤其大虾)，食唔到有泥味等等既奇怪味道。而且份量以女仔食黎讲会比较多，建议同男士分享一齐食会比较好。
主菜2 - 香煎特级西冷扒 (套餐$288)：好味! 本身西冷扒可选配饭/薯条/薯蓉，而小编老公拣左薯蓉之下，好惊喜薯蓉以牛油及忌廉调配，所以口感非常幼滑，同牛扒肉汁及烧汁非常匹配，令人有饱肚感下唔会有单一既味道。而牛扒有坑纹下虽然闻唔到炭烧既味道，但西冷扒质素非常高，既无麻烦既筋脉，肉质亦非常结实，而煮制过程中肉汁亦能锁住于扒内，所以唔会有榎口(粗糙)既感觉。
饮品 - 西瓜汁 (加$18)：似系鲜榨而加少少糖水既感觉，有机会下次再试个阵问问有冇得走甜先。
埋单计扣除朋友既食物，以小编及老公计人均消费连加一大约$280。如果以午餐黎计的确系比较贵，但如果以乐园内其他餐厅(如火箭餐厅既汉堡﹑笑匠欢宴坊既饭类)都要接近$130-$150位推算，大街餐厅都会俾到个舒适而悠闲既环境用餐。而食品亦算高质素情况下，小编都仍然会作为乐园内推介餐厅既前列对象。
最新于5月22日摄影既餐单：
题外话/补充资料：
部分于玻璃屋 (室内有冷气)及窗口坐位会离远望到城堡，甚至间中会有巡游列车与大家安坐坐位见面。如果时间及位置巧合遇到，相信会更加令大家于餐厅既满足体验增强吧!
(以上食记乃用户个人意见 , 并不代表OpenRice之观点。)
张贴
