影片
更多
2024-05-19
559 浏览
今晚去左科学园八方栈同朋友聚餐。餐厅喺单车径隔离，都好易揾。餐枱之间位置阔落，而且望住个海景进餐，心情舒畅. 客人可以拣室内或者室外位置，我哋怕蚊，所以拣咗室内。琵琶乳鸽（$28@）：呢个系特价item，每两个人可以叫一只，非常抵食。乳鸽皮炸得脆身。皮薄，唔会成口油。芥味沙拉鲜果鲜虾球（$148）：芥辣酱同沙拉酱嘅味道混合起嚟甜甜地辣辣地几开胃。虾球都几大只下。弹牙鲜味。和风安格斯一口牛（$148）：安格斯牛味浓郁。本身以为伴着一口牛嘅系薯粒，点知食落居然系好Juice嘅鸡髀菇，估唔到又几夹，令到菜式食物冇咁漏。冰镇鲜果咕噜肉（$138）：咕噜肉俾冰镇住，令到个皮好脆。佢仲配埋蓝莓，菠萝，车厘茄，火龙果同哈密瓜，几特别。八方小炒王（$128）：用花枝片，虾仁，腰果同辣椒丝等等既材料同韭菜一齐炒，都好足料，味道层次丰富。香煎咸鱼肉饼（$128）：做呢个菜式要好花时间慢慢煎透身。咸鱼味好香好惹味但又唔会太咸。肉饼厚身，可以保留肉汁。风味黑毛猪叉烧（$198）：唔系好多舖头嘅叉烧送上嚟既时候仲系热，而呢度居然做到，值得一赞。黑毛猪味浓，肉质丰富，咬落弹牙。芋头椰汁西米露（赠送）：芋头同西米都
今晚去左科学园八方栈同朋友聚餐。餐厅喺单车径隔离，都好易揾。餐枱之间位置阔落，而且望住个海景进餐，心情舒畅. 客人可以拣室内或者室外位置，我哋怕蚊，所以拣咗室内。
琵琶乳鸽（$28@）：呢个系特价item，每两个人可以叫一只，非常抵食。乳鸽皮炸得脆身。皮薄，唔会成口油。
芥味沙拉鲜果鲜虾球（$148）：芥辣酱同沙拉酱嘅味道混合起嚟甜甜地辣辣地几开胃。虾球都几大只下。弹牙鲜味。
和风安格斯一口牛（$148）：安格斯牛味浓郁。本身以为伴着一口牛嘅系薯粒，点知食落居然系好Juice嘅鸡髀菇，估唔到又几夹，令到菜式食物冇咁漏。
冰镇鲜果咕噜肉（$138）：咕噜肉俾冰镇住，令到个皮好脆。佢仲配埋蓝莓，菠萝，车厘茄，火龙果同哈密瓜，几特别。
八方小炒王（$128）：用花枝片，虾仁，腰果同辣椒丝等等既材料同韭菜一齐炒，都好足料，味道层次丰富。
香煎咸鱼肉饼（$128）：做呢个菜式要好花时间慢慢煎透身。咸鱼味好香好惹味但又唔会太咸。肉饼厚身，可以保留肉汁。
风味黑毛猪叉烧（$198）：唔系好多舖头嘅叉烧送上嚟既时候仲系热，而呢度居然做到，值得一赞。黑毛猪味浓，肉质丰富，咬落弹牙。
芋头椰汁西米露（赠送）：芋头同西米都好足料。椰汁味香浓。
呢度环境好又唔贵，作为聚餐嘅地点系唔错嘅选择。
张贴
