轉角‧見

营业中

休息中

同旧同事敍旧，想揾间cafe坐下舒舒服服倾计，想食饱肚又唔想咁贵，上网揾左阵就决定拣呢间试下。由于未嚟过，而店铺嘅位置唔算系人流旺嘅地方，所以都要揾左阵先行到。我地就拣左系户外位置食嘢，虽然环境唔算靓，但天气凉凉地都几舒服。我地分别点左型男汉堡同芝士磨菇汉堡。型男芝士汉堡 $64个汉堡都几大，想一啖咬落去实成嘴都系，加埋流心蛋预左成嘴都系汁咬落去个汉堡好juicy，好有牛肉味，唔会死实实或者干，而且好稔同唔会散。加埋流心蛋嘅蛋液，令到牛肉嘅味道更凸显到。而佢嘅菜唔系普通生菜，而系罗马沙律菜，咬落仲好fresh 爽爽声，亦都平衡到汉堡扒嘅油腻感。而烟肉就普通啲冇话好特别，唔算油。另外留意返佢呢个包系得佢一个有蛋嘅。芝士磨菇汉堡 $58磨菇同汉堡扒亦系一个好夹嘅组合，佢呢度嘅菇食得出系新鲜菇。呢个包嘅味道就比较田园风，食落亦相对冇咁易会有饱济咁感觉。2个套餐都会有薯条跟，想讲返呢度嘅薯条真系好出色，值得一赞，放入口系好热，食得出系即炸，薯条本身好厚实硬净，薯味比平时食嘅浓同新鲜好多。