三盞燈茶座 (已搬遷) 新店位置

今日，我决定扮去旅行，我扮去威尼斯。香港岛出发前往威尼斯大约需要两个钟头。行到攰，决定在大运河旁找个风景优美的地方看河景同日落。排屋咖啡室有好几家，三盏灯好像比较大，揾到位嘅机会好似比较高。今日虽然唔系公众假期亦都唔系周末，但疫情之下冇得去外游，本土旅游就成为左最好嘅代替品。讲返三盏灯，佢哋话佢哋唔系一间餐厅，只系朋友相聚嘅地方，我哋唔系俾钱食饭，只系分担食物成本... 明一坐低，主人家就请我哋品茶，再慢慢谂吓想食乜，睇吓风景，唔会催你落单，更加唔会催你还枱。平时外出食饭，所有餐具总会一式一样，但呢度嘅茶杯每一只都唔同，当佢放低一盘茶杯，大家就会根据自己嘅喜好选择自己喜欢嘅杯，就好似细个嘅时候争玩具咁，攞到自己觉得漂亮𠮶只杯，唔知点解就会好开心。呢个脆香炸鱼饼都好有大澳风味。忍唔住食完又食。近镜再比多你望清楚啲Tiramisu， 朋友叫嘅，我食咗一啖。都唔错，芝士真系用mascarpone，唔系用cream cheese代替。我唔记得咗影佢个杯推介嘅鲜柠蜜。