施心畢老撾餐廳

营业中

休息中

Happy Friday lunch约左同事食lunch，想食越南菜，黎左呢一间好多年无帮衬既施心毕老挝餐厅，早一两个钟头系OpenRice订座都仲有位。餐牌好似一本杂志，有汤粉，捞粉，饭，小食等等，价钱经济实惠。是冧弹鸡全米椰子汤粉 $78 另加一今日想重温久久无食既椰子汤粉，拣左是冧弹鸡，同汤粉分开上。是冧弹鸡份量都几多，原来系脆皮鸡肉，味道唔错，口感外脆内滑，另配甜甜酱汁，令鸡肉味道更好。鸡肉配有生菜一片，青瓜，茄子同车厘茄各一，蔬菜量都可以。全米椰子汤粉个汤真系好正，椰子味香浓，饮嗮都唔口渴。全米粉好幼身同滑溜，配有爽脆芽菜同少少生菜。成个餐食嗮都够饱。南姜香茅水 （跟餐）呢个价钱仲包野饮，选择都唔少，冻饮要加钱。我杯热南姜香茅水唔过甜，不过南姜同香茅味道就唔出。中环呢个价钱同质素，去边度揾？仲要可以walk-in。