霸王山莊

营业中

休息中

前排抢到旅游发展局啲优惠，其中一个系「霸王山庄」。北京烤鸭二人套餐（$98，原价$498）鸡丝粉皮，鸡丝（份量唔多，但其实冇乜所谓），青瓜丝，粉皮（弹牙唔糊口），粗粒花生酱，味道合格，但如果再冻少少就更好。宋嫂鲜鱼羹（2碗），好耐冇食过呢款嘢，已经唔记得应该系咩味。呢碗似冇色冇蛇嘅蛇羹，有2小片鱼丝，少量木耳丝，大量荀丝，些少蛋花，味道普通。北京烤鸭（半只），份量比预期中多，总共有12片+6旧，鸭是暖的，鸭皮微脆，略偏咸，鸭肉稍嚡。饼皮偏细块，但烟韧唔干身有弹性。烤鸭酱偏甜。干贝蛋白炒饭，用珍珠米（个人唔太喜欢中菜用珍珠米），丁丁油，尚算干身，味道普通。霸王小笼包（2件），新鲜热辣，皮唔算薄，有汤汁，还可以。整体味道&质素都合格，而且服务都唔错。但真心讲，要用$498食呢个餐，应该不会考虑。现在以$98 + $28（$14位茶钱）+ $52.6（加一收费，以原价计$49.8+$2.8）= $178.5，咁就可以接受。