霸王山莊

营业中

休息中

由于早排系旅发局抢到霸王山庄2人套餐$98优惠，于是book左今日2点去试食，因为未曾食过呢间餐厅。中午呢个时段去到都冇咩人，所以好快安排左坐位。我地show左个旅发局个夏日赏优惠劵出来，个侍应见到都冇再问我地食咩，自动波去安排套餐，然后佢问我地要饮咩茶，我地就叫左壶普洱茶。之后1分钟都唔够，好快上左茶同野食。首先第一碟菜是「鸡丝粉皮」有鸡丝青瓜丝粉皮，面头仲有啲白芝麻，食落口好多花生酱同埋花生粒，几好食😋第二碟是「干贝蛋白炒饭」食落去感觉有啲硬，原来是干贝影响，味道适中，饭不会太干，绿色那些应该是四季豆同葱，爽口，但整体炒饭感觉一般。第三碟是「宋嫂鲜鱼羹」食落口好似食紧碗仔翅😆料就充足既，食到有少少醋味，应该是加了醋，不过好食既。第四碟是「北京烤鸭半只」睇见流口水🤤冇数过几多块，但都多的，见每片面皮都有一张圆纸隔住，面皮暖暖地都够薄，将一块烤鸭放系面皮上再加上青瓜和京葱，再加少少甜酱系面，然后包住食，正😋不过烤鸭不够热，不够脆。第五碟是「霸王小笼包」打开是冒气的，一口放进去多汁，不过皮可以再薄啲😇食落口又不是太热，可以再热啲，猪肉料充足。整体来讲间餐厅环境不错，侍应有礼貌。