鮮一夜火鍋 (已結業)

同M佬去咗一个10几日嘅long trip，你问我哋最挂住嘅味道，一定系打边炉！之但系周街都系火锅店，而位于荃湾嘅鲜一夜火锅嘅最大卖点就系：鲍！参！翅！肚！餐厅行半放题路线，𠮶套餐名叫「一夜皇御套餐」，好似好劲揪，等我哋试下掂唔掂。五色刺身拼盘一开始食𠮶刺身先，有三文鱼、带子、赤虾、希灵鱼同北寄贝。新鲜冰冻，三文鱼厚切肥美，北寄贝爽口鲜甜，正。鲍汁扣海参并溏心靓鲍鱼哗，第一个重点到啦！餐厅用料一啲都唔马虎，采用澳洲鲍鱼同南非海参，而且炆得够晒腍，鲍鱼弹牙，海参爽口软滑，配埋𠮶浓郁嘅鲍汁，真系无得弹。红烧花胶翅汤底厚身，店员话𠮶汤底系用鲜鸡熬足3个钟，唔怪得之咁香浓。花胶腍身，鱼翅爽口，真系好正。即炒奇妙鸡煲有大中小辣畀大家拣，我哋拣咗中辣，非常香口，鸡件嫩滑，不过如果加多啲洋葱、蒜头同香草，会更加惹味。火锅汤底6款汤底，任君选择。有药膳养身、重庆麻辣、杏汁猪肺、养生椰子鸡、香浓猪骨同芫茜皮蛋。我哋拣咗药膳养生锅，一打开就有好香浓嘅药材味，有红枣、杞子、党参等药材，仲有大大旧猪骨，非常足料。航母海鲜拼盘拼盘有基围虾、沙白、生蚝、贵妃蚌同青口，非常新鲜。其中基围虾肉实味浓，沙白鲜甜无沙，生