牧羊少年咖啡館 (白楊街)

营业中

休息中

素闻牧羊少年咖啡馆系一间以旅行为主题嘅cafe，入到去果然发现呢度系别树一格。见到呢个世界地图同postcards，真系好想飞一转。夜晚有时会有live music，不过当晚冇。食物有小食亦有主食，加饮品仲可以半价添！美式小食拼盘（$68）有薯条、薯粒、芝士条同肠仔，全部刚刚炸起。炸薯粒好有小学年代圣诞party大食会果种怀旧feel！肉酱蘑菇贝壳粉（$76）将传统肉酱pasta由意粉改为贝壳粉，食起上黎更方便。密集辣肉肠恐惧症（$108）好有趣嘅名字，pizza上有满满嘅辣肉肠，啱晒辣肉肠爱好者！苹果蜜桃鲜打绿茶（半价后$20）绿茶味清清地，加上生果，好好饮！