影片
更多
2014-06-20
1720 浏览
虽然都几钟意去台湾旅行，尤其一啲小城、小镇，好似台南、罗东、礁溪……等等，不过，晌香港就甚少专灯揾台菜食，一向随遇而安。就好似今晚，帮朋友嚟开德成号「攞货」，顺道试吓绿野仙踪，点解会喺佢？因为食友推介啰，话值得一试几唔错 。晌依一截昏昏暗嘅渣华道好易认出绿野仙踪，因为草绿色铺面，加上射灯，非常鲜明 。而内里环境，亦以唔同层次嘅绿为色调，一边仿砖墙仲画有草草树树，有种童话原野嘅感觉，份外醒神；再者，楼底够高，令空间感更强，暂且放低一切忙碌，好好享受吓台式休闲 。休闲还休闲，都要睇睇有咩好食，原来选择甚多，由台风早餐、台式常餐、午市特价套餐、百搭下午茶、人气茶餐、厨师推介、星级铁板餐、2人或3人自选套餐……等等，真喺咩时间嚟食都得 。但不期然，你就发现话就话主打台式，但又似乎包罗万有。其实计落，个2人自选套餐最抵食，$158包1款主菜（4拣1）、2款小食（12拣2）、2份香饭（4拣2）及、2杯特选台式餐饮 。此外，有一本印刷仲精美嘅主餐牌，内里嘅款式精致啲，提供风味小菜、地道小吃，有升级优惠加钱变套餐（+$25送前菜、香饭、及特选台式餐饮） ；仲有一系列台式汤面，同样有得升级，
晌依一截昏昏暗嘅渣华道好易认出绿野仙踪，因为草绿色铺面，加上射灯，非常鲜明 。而内里环境，亦以唔同层次嘅绿为色调，一边仿砖墙仲画有草草树树，有种童话原野嘅感觉，份外醒神；再者，楼底够高，令空间感更强，暂且放低一切忙碌，好好享受吓台式休闲 。
休闲还休闲，都要睇睇有咩好食，原来选择甚多，由台风早餐、台式常餐、午市特价套餐、百搭下午茶、人气茶餐、厨师推介、星级铁板餐、2人或3人自选套餐……等等，真喺咩时间嚟食都得 。但不期然，你就发现话就话主打台式，但又似乎包罗万有。
其实计落，个2人自选套餐最抵食，$158包1款主菜（4拣1）、2款小食（12拣2）、2份香饭（4拣2）及、2杯特选台式餐饮 。
此外，有一本印刷仲精美嘅主餐牌，内里嘅款式精致啲，提供风味小菜、地道小吃，有升级优惠加钱变套餐（+$25送前菜、香饭、及特选台式餐饮） ；仲有一系列台式汤面，同样有得升级，喺+$5附送特选台式餐饮；而餐牌尾几页就喺一贯台式嘅雪糕、多士、甜品、饮品……等等 。
不过，老婆有啲嘢想试，但个2人自选套餐唔包，此外，又想食佢啲台式汤面，结果，就晌个主餐牌度落手，再加钱转为套餐，一样有弹性，又选取心水菜式。芥茉云耳 $15
老婆特鬼别钟意食云耳（黑木耳），话佢润肺生津、降低血栓、对人体消化系统好㖞。云耳好爽口，因为佢本身较淡味，加咗芥末及芝麻，醒神为之一震 ，而芥茉味都几强烈，但就只系得一「朕」，辣味唔会太持久，亦唔攻鼻。
七味鱿鱼球 $35 22款地道小吃中，再拣嚟另一款喺「七味鱿鱼球」，都几大碟，有齐鱿鱼圈、鱿鱼须，睇个份量基本喺一只鲜鱿做。粉浆都几薄，几酥香弹牙，蘸些喼汁，提味去腻 ，食起嚟唔似雪藏货，不过咁嘅价钱，应该唔会新鲜货吧！
前菜（跟餐）个鱿鱼球我哋加$25变餐，先嚟有个前菜「凉拌大豆芽」，芽菜爽口多汁，辣辣哋，几醒胃。
贵妃炸酱饭（跟餐） 老婆一向注重健康，所以香饭原本拣红米菜饭，可惜无晒，退而其二要咗贵妃炸酱饭。佢喺咩嚟？主餐牌面页有一整版介绍，大家睇图，小弟就唔多讲，原来散叫要$20碗，不过，唔知同跟餐嘅比较喺咪同一份量。个贵妃炸酱饭果真香辣惹味，饭粒软绵有饭香，可惜个炸酱唔多。
香蕉朱古力牛奶（跟餐再+$8） 升级转餐包一杯指定台式特选餐饮（共8款），亦可另加$8改为大杯装特饮，又或以半价改选主餐牌中其他饮品。去亲台湾，都好钟意饮佢哋啲生果奶，所以，唔介意再加$8转饮香蕉朱古力牛奶，个牛奶真喺几正，够冰冻，浓郁香滑 ，香蕉味跟朱古力味都好平衡。
招牌三卤担仔面 $48老婆所拣嘅台式汤面喺招牌三卤，仲可以免费改为新竹米粉。米粉比起广东面铺食嘅米粉幼滑啲，有韧劲啲，亦唔会好腍；而三卤有卤肉、卤蛋、卤大肠，以及肉燥，不过，话虽「招牌」，味道喺唔错嘅，但感觉又唔算极之好特别。
麦芽豆浆（+$5）啲台式汤面本身唔包饮品，但可加$5拣选一杯指定台式特选餐饮，都话我老婆健康架啦，心里一早已估佢要麦芽豆浆。佢话个豆浆嘅豆味不俗，又少甜，但我就觉得有少少淡口，依啲就喺食得清淡健康同浓腻不衡嘅分别嘞。
其实食到依刻都差不多，不过，被店员推介吓佢，又有少少心郁，因为啲豆腐花佢话喺自家撞，唔喺来货，所以，就点咗一碗牛奶红豆豆腐花俾老婆，小弟就要蜂蜜珍珠豆腐花 。
牛奶红豆豆腐花 $20 个豆腐花滑得嚟挺身，真喺几得，加埋少少牛奶晌面，多咗奶香及增加埋滑溜感，红豆又好绵，老婆都赞好，不过红豆实在好少喇 ！
花雕姜茶小丸子 $30喂喂喂，又话喺「蜂蜜珍珠豆腐花」，𪠳！落完单无耐，个店员走嚟话啱啱得番一碗豆腐花，所以牛奶红豆豆腐花照有，我就只好转拣花雕姜茶小丸子 ，因为加「花雕」真喺未试过。记得食大闸蟹时，通时饮一小杯花雕酒，餐后一碗姜茶汤丸，以作驱寒之用。讲番个小丸子，个姜茶几重姜味，入口颇辣，又渗出花雕酒香，而小丸子小巧烟糯，以为喺新鲜搓，因为都等咗成10分钟先嚟，事后个疑似店长好老实话喺来货 ，真喺估佢唔到。话到尾，依个糖水留待秋冬天食合宜啲 ！
虽然台菜嘅旗帜唔算十分鲜明，但质素还算不赖。以休闲café形式运作，却有店员招呼，又唔使自己捧餐，却喺无收加一服务费，价钱都实惠OK，而且，胜在选择多多，转唔转套餐都好自主 。
张贴
