Patisserie Tony Wong Dessert Cafe (已結業)

其實都已經係中秋嘅時候食嘅蛋糕，回味下啲相又出返篇文讚下佢先，因為真係好好食！中秋除左食月餅，仲買左蛋糕，聽聞阿姨提早成個月去訂㗎。訂左呢個芒果拿破崙蛋糕，訂的是三磅裝，但感覺上重過三磅。個蛋糕十分精緻，水果新鮮閃亮亮。無人生日，但都要點下蠟燭嘅，送左一支金色蠟燭勁型喎，唔會滴蠟個種。幾靚呀～芒果幾甜喎，士多啤梨就有啲酸，餅層鬆脆，中間的忌廉甜而不膩，而且入口已知係新鮮做，非現醒酥皮，果然係物有所值。