金羅寶韓國料理

营业中

休息中

今日喺铜锣湾打算买外卖但系又想食韩国菜，就去咗金罗宝。因为之前黎食过记得好好味，所以今次再嚟。Order咗红炆牛肋骨同埋煎银鳕鱼。红炆牛肋骨炆得超入味，用传统嘅韩国制法令佢d牛肋骨好淋，咬落去出晒入面啲酱汁味，送饭绝对一流。而且入面亦都有几旧炆到好淋嘅萝卜同样系入晒味，d萝卜又冇渣又甜，真系好味。银雪鱼就煎得香脆可口，入面仍然有鱼油同埋好juicy ，落咗柠檬汁再点埋沙律酱食简直系绝配。另外值得一提外卖亦都会有六小碟前菜，包括甜蕃薯、泡菜、辣鱼糕、芽菜、青豆、同埋青菜，样样都食出韩国传统味道，下次有机会一定再嚟试堂食。