影片
更多
2021-08-21
647 浏览
今晚同朋友嚟到将军澳食晚饭，朋友介绍左间餐厅叫汤加。佢话之前食过几好食嘅，咁今次就跟佢嚟试一试啦！餐厅位于港铁将军澳站大约10分钟嘅路程，所以都系非常之方便嘅。佢系一间主打汤饭嘅餐厅，不过亦都有其他餐可以拣嘅，例如有常餐、小菜、特色粉面等等，价钱都非常实惠，我哋嚟到𠮶阵都要来排队等，可见餐听有好多嘅捧场客。我今次就叫咗一碗汤饭， $55包两种𩠌再加一种菜，佢仲可以比你更饭或者粉面，汤底亦都有唔同嘅选择俾你拣。我今次就叫咗猪软骨、深海鱼柳拼生菜，汤底就拣咗鱼汤跟一碗嘅三色饭。落咗单冇几耐侍应就送咗两杯水俾我哋，等我哋可以饮住水等，但其实我哋等咗冇耐厨房就出到碗汤饭俾我哋啦。咁佢嘅猪软骨系用一碗饭碗来装嘅，鱼柳就跟埋个鱼汤同埋生菜一齐上，我二话不说就试吓佢嘅汤底系点嘅啦，一是果然系与众不凡，饮得出佢真系用鱼熬出嚟嘅，佢仲有一啲姜丝做陪衬，所以饮洛口一方面有好浓郁嘅鱼味，一方面亦都有姜嘅辛辣味，非常之好饮！至于佢嘅配料亦都好好食，猪软骨非常之入味亦都煮到好淋好唔使点咬都已经可以食到落口，至于鱼柳就系一般嘅鳕鱼柳冇乜特别，三色饭佢系用咗白饭沟糙米沟红米煮成嘅，同埋佢应该系用蒸炉蒸出嚟嘅，所以饭
餐厅位于港铁将军澳站大约10分钟嘅路程，所以都系非常之方便嘅。佢系一间主打汤饭嘅餐厅，不过亦都有其他餐可以拣嘅，例如有常餐、小菜、特色粉面等等，价钱都非常实惠，我哋嚟到𠮶阵都要来排队等，可见餐听有好多嘅捧场客。
我今次就叫咗一碗汤饭， $55包两种𩠌再加一种菜，佢仲可以比你更饭或者粉面，汤底亦都有唔同嘅选择俾你拣。我今次就叫咗猪软骨、深海鱼柳拼生菜，汤底就拣咗鱼汤跟一碗嘅三色饭。落咗单冇几耐侍应就送咗两杯水俾我哋，等我哋可以饮住水等，但其实我哋等咗冇耐厨房就出到碗汤饭俾我哋啦。
咁佢嘅猪软骨系用一碗饭碗来装嘅，鱼柳就跟埋个鱼汤同埋生菜一齐上，我二话不说就试吓佢嘅汤底系点嘅啦，一是果然系与众不凡，饮得出佢真系用鱼熬出嚟嘅，佢仲有一啲姜丝做陪衬，所以饮洛口一方面有好浓郁嘅鱼味，一方面亦都有姜嘅辛辣味，非常之好饮！至于佢嘅配料亦都好好食，猪软骨非常之入味亦都煮到好淋好唔使点咬都已经可以食到落口，至于鱼柳就系一般嘅鳕鱼柳冇乜特别，三色饭佢系用咗白饭沟糙米沟红米煮成嘅，同埋佢应该系用蒸炉蒸出嚟嘅，所以饭嘅质感系适中唔会太淋或者太硬。
食完晒所有配料，我饮埋成碗汤因为碗汤真系好好饮！餐厅其实都有白饭可以免费追加嘅，不过我今次饮晒碗汤个肚都好饱啦，所以就冇再添饭。下次嚟食我都想试吓佢其他嘅小菜，睇落都应该系好好食嘅！
张贴
