影片
更多
2010-05-06
41 浏览
呢晚同食家都早收工，七点几就来到大围试呢间来来重庆鸡煲。串得起老板成日同我提话呢间野好食，咁岩上forum又有网友写食评话呢度食得过，一于来试下﹗大排档格局，坐街为主，我地食到尾见佢地摆满哂成条街咁济，好好生意﹗鸡煲当然是主角，另外呢度亦有个特色，就系个个食完鸡煲都用番个汁来打边炉﹗我地梗系唔会错过啦﹗不过先点左个鸡煲试下先﹗唔食鸡都有其他选择，佢都做埋小炒，价钱便宜，$40-$50蚊就有个𩠌﹗来大排档食饭又岂可无酒呢﹗呢晚是燕京姐姐做promote，$14蚊支抵饮，o拿o拿淋叫三支要个冰筒雪起佢﹗鸡煲即叫即做，师傅在食店一角露天炒到身水身汗，等十分钟左右就有得食﹗一来到先打开个盖，已可闻到浓浓既酒香扑鼻，好吸引﹗我八卦走出去睇下个师傅用0的咩来整，见到是大量既干辣椒、花椒油、洋葱、芫荽同埋一大羹既秘制酱汁。鸡肉都几多，半只鸡够两个人食，$98﹗有网友提到话小辣已经辣得紧要，我就一于二仔底死跟要个小辣﹗鸡肉相当入味，神来之笔来自佢个酱汁，辣中带甜好醒胃，那种辣的感觉不至于辣到你流泪，却在口腔形成一种齿𣍰留香的味道，余韵有阵甜香，过瘾﹗吃过一件便追著吃，香辣惹味，浓而不咸，确系好食﹗越食
串得起老板成日同我提话呢间野好食，咁岩上forum又有网友写食评话呢度食得过，一于来试下﹗
大排档格局，坐街为主，我地食到尾见佢地摆满哂成条街咁济，好好生意﹗
鸡煲当然是主角，另外呢度亦有个特色，就系个个食完鸡煲都用番个汁来打边炉﹗
我地梗系唔会错过啦﹗不过先点左个鸡煲试下先﹗
唔食鸡都有其他选择，佢都做埋小炒，价钱便宜，$40-$50蚊就有个𩠌﹗
来大排档食饭又岂可无酒呢﹗
呢晚是燕京姐姐做promote，$14蚊支抵饮，o拿o拿淋叫三支要个冰筒雪起佢﹗
鸡煲即叫即做，师傅在食店一角露天炒到身水身汗，等十分钟左右就有得食﹗
一来到先打开个盖，已可闻到浓浓既酒香扑鼻，好吸引﹗
我八卦走出去睇下个师傅用0的咩来整，见到是大量既干辣椒、花椒油、洋葱、芫荽同埋一大羹既秘制酱汁。
鸡肉都几多，半只鸡够两个人食，$98﹗
有网友提到话小辣已经辣得紧要，我就一于二仔底死跟要个小辣﹗
鸡肉相当入味，神来之笔来自佢个酱汁，辣中带甜好醒胃，那种辣的感觉不至于辣到你流泪，却在口腔形成一种齿𣍰留香的味道，余韵有阵甜香，过瘾﹗
吃过一件便追著吃，香辣惹味，浓而不咸，确系好食﹗
越食越辣，当然系咁队啤啦﹗
食哂0的鸡就叫师傅帮你加番0的猪骨汤，唔洗钱的，可以开始打边炉﹗
这是红薯粉，唔系度度有得食，吸汤能手，来呢度就系想试佢﹗
金菇当然又系吸汤之选﹗
金菇挂上汤汁后，辣度十足，惹味非比寻常﹗
红薯粉是厚身的，比起我以前在大陆食的更粗更阔﹗
吸汤后辣不特止，烟韧十足，一级有o赵口，由于都几大碟，两个人食完之后已经几饱，为防眼阔肚窄，都系慢慢叫为妙﹗
吃到薯粉我已经辣到成身汗，可感觉到口与鼻都充斥与那汤汁的辣香，食家大赞味道不错呢﹗
食埋个薯粉真系够皮，呢晚饮左四支大啤，埋单$180，好味抵食，下次一于相约埋大食团友再来试下个中辣先﹗
张贴
