夢の丼 (已結業)

真㗎，旧年东京奥运神早plan定亲身去睇㗎，可惜……今年以为真系可以去到，谁不知都系唔可以。呢排睇电视成日见到日本，但只可见不可去。唔能够去，唯有去食日本嘢平衡返心情。今次来到HKU附近位于皇后大道西呢间『梦の丼』，呢度门面好大，都几有日本feel，入边亦都系有同样感觉，就等我哋来享受以下丰富的日本美味吧。来份小食先，佢就系『蟹皇酱烧蟹膏豆腐』，豆腐整成方砖型状，上边铺满蟹膏，浓郁蟹味喺成个口腔裹迥转，正吖，跟往嘅『柔煮鲍鱼』亦唔输蚀，鲜嫩，Q弹。少少哋嗌咗两款刺身『深海池鱼』和『石垣贝』，寿司就系『火炙右口鱼边寿司』，右口鱼边食落个口感系真真正正的入口即溶，好爽。两个丼饭定食，均配有沙律和面豉汤『花锦鱼生丼』内有三文鱼子，三文鱼，白身鱼，赤虾，金蟹子，樱花虾，『极北丼』内有有珍贵嘅松叶蟹钳，三文鱼子，帆立贝，海胆酱赤虾，香葱吞拿鱼腩，右口鱼边，玉子，青瓜，甜蛋……太多喇，不能一一尽录，总之丰富多姿彩，好饱好满意。