日之食放題館 (已結業)

今晚终于都去试咗日之食喇！嗯....啲食物 OK 啦。鱼生我叫咗生虾，三文鱼，鲍鱼，墨鱼，仲有三种唔记得咩鱼嘅刺身。我自己就觉得三文鱼（都肥美嘅）同生虾（OK啦，以咁嘅假钱有生虾食，去边道揾？）好食啲。其余嘅刺身又唔系唔新鲜不过欠缺鲜甜。另外我ORDER咗一啲串烧同熟食。牛肉串，同羊肉串都OK。不过都几 SO 味。豆腐卜串都几好食。蒜头串就得一成熟就上台，所以我同个侍应讲太生食唔到，佢即刻帮我罗去再烧过。仲有泡菜鸡亦都几好食。至于火锅配料唔多不过佢哋啲肥牛真系好食。肥瘦适中，好味！汤底我简咗豆腐豉油汤。无法，因为同埋个女去，麻辣唔食得，老公又唔钟意酸酸哋嘅番茄猪骨汤。饮品有三种系佢哋自制嘅，好似有杂果宾治，另外两种唔知。仲有可乐公司嘅气水选择，我梗系简饮气水啦。都唔知佢哋沟咩。我老公就饮麒麟啤，因为＄153有包刺身＆啤酒。＄135就无。而今晚佢哋做 Lady's night，全场女仕有七折。甜品有红豆年糕，日式烧年糕同蜜饯蕃薯＆雀巢 vanilla雪糕。我试咗头两种甜品同雪糕。日式年糕好几好食，有啲似式烟韧夹饼。有样野唔可以唔提嘅系佢哋嘅 service 真系几好。啲order都算快出