鳥森 (已結業)

今日喺港岛区完成任务之后，约咗朋友落铜锣湾食个午餐聚一聚，位于恩平道嘅亨利中心楼上《鸟森》食过佢嘅晚餐都唔错，今日试佢嘅午餐性价比高有惊喜。靠墙位置全部都有窗，采用茶色玻璃，日闲都唔会好晒，好适合三五知己食饭饮嘢吹水。拣咗两款串烧午餐，大家happy share，跟餐本身有些前菜及汤-蕃茄沙律好新鲜~茶碗蒸蛋够滑~日式清汤够香甜~渍菜~酱油蒜头及牛蒡，醒胃。Set A 精选六串烧~牛肉横膈肌牛味香、黑豚猪腩串、紫苏里竽豚肉串好特别、茄子串、冬菇串，个鸡肉棒跟饭上。Set C 鸟森串烧五本盛~鸡翼皮脆肉香、鸡腿肉够淋、鸡胸软骨好爽脆、冬菇串，美味鸡肉棒是跟饭上的，正啊！呢两个餐都有跟紫菜饭，配其中嘅鸡肉棒串烧一流，蛋黄渍免治鸡肉配紫菜饭~记得趁热食个鸡肉棒，大大枝啖啖肉，紫菜饭都系我喜爱嘅。午餐套餐跟餐饮品可以拣咖啡或者伯爵茶。