黑木 (已結業)

今日突然想食串烧，揾到间叫黑木，做得专门店自然有适当造诣，如果唔系点样开档！调味都做到，因为有些店只靠食物的自然味而唔会调味。印象最深刻是烧翠玉瓜， 烧得水份够，用了孜然粉及准盐，有香味，效果很好。最特色的鸡软骨肉串加生鸡蛋，因为组合好，软骨好味，汁多之中有𡁻口，概念好。一般我唔会点烧鸡尾，想不到效果非常好，有鸡的香味，唔会太油，当然无膻味。冲绳猪手几好，先用慢煮到松软，跟著再烧香，有酸甜味道解咗腻。份量十分够，厨师发板有12款烧物，烧芦笋、青椒仔、黑臀肉、鸡心、猪软骨及各款菇类。海鲜茶壶汤作吸物，烧鱿鱼一夜干作季节海鲜，前菜有三款，冇甜品。另外我点左日本啤酒，厨师发板每位$688，新年好意头！