火狐爐端燒 (已結業)

刚搬来荃湾，就系要穿插横街窄巷去揾野食兼熟习环境，"火狐炉端烧"就喺千色汇后街附近既四坡坊，今晚就黎食下日式串烧。日式小店装修带点情调，头上既一盏灯吸引咗我～ 哈～🔸胡麻秋葵🔸 ⭐⭐⭐平时我同秋葵实在唔系朋友，男人极力推介我试下，第一次配胡麻酱原来又几好食，胡麻酱反而令到秋葵少咗平时不太喜欢既滑捋捋。 🔸豚大肠山葵烧🔸 ⭐⭐⭐⭐外皮烧得脆卜卜，内里还有少少油脂，烧得刚刚好，加埋芥茉酱口感丰富。🔸牛舌🔸 ⭐⭐⭐⭐⭐男人至爱，要知道好食既牛舌唔系咁容易，不会烧过火，调味实在系加咗分，我觉得好好味。🔸鸡翼🔸 ⭐⭐⭐⭐每次食串烧都会点，鸡皮烧得脆口但肉汁还在，鸡肉仲好嫩滑。🔸大啡菇芝士烧🔸 ⭐⭐⭐⭐⭐一上枱都闻到香到不得了，芝士烧到半溶状态舖喺大啡菇，而大啡菇仲有好多汁添，食完一只又想食第二只。🔸和牛露荀炒饭🔸 ⭐⭐⭐⭐⭐除咗主角和牛同露荀，有大量炸蒜片，加埋一齐炒令到炒饭多咗脆脆口感, 和牛既油脂味好够香, 好快就清哂成碟炒饭。