串本屋 (已結業)

之前有朋友仔介绍话系柯士甸有间性价比高既日式串烧店，今次轮到小编试下味先😋😋门面同内部装修非常有日本风，当自己去左转日本旅行。餐厅内有好多唔同款既日本酒，爱酒人士可以试一试。前菜 $12为蕃茄配上秘制酱汁，非常开胃。吞拿鱼蓉薄脆 $48 吞拿鱼蓉份量多，脆底有点似米通。呢个配搭几夹，几好味😋烧三文鱼头 $78，鱼头烧得很香脆。鱼头多肉，食起来啖啖肉，鱼肉滑嫩，肉质劲嫩滑，不同部位都有不同的口感。👍🏻👍🏻👍🏻荔枝豚肉串 $26好特别，豚肉卷住荔枝，又岀奇地好味道。荔枝既甜味中和返豚肉既味道，一甜一咸刚刚好。鸡肉串配明太子酱 $26鸡肉juicy，唔会好油腻，配上明太子酱更好味。烧芝士年糕（两件）$28黎到日本串烧店当然要试吓芝士年糕😋年糕烧得烟韧，外皮唔会烧得好硬，入面既芝士先系精粹😋鳗鱼粒烧饭团 $24 + 三文鱼烧饭团 $24外面既饭烧得很脆口，有点似石锅既饭焦。盐烧封门柳 $26封门柳系牛的横膈膜的肌肉，肉质松软，不易变韧，而且牛肉味极为浓郁。烧元贝（两只）$50元贝新鲜，很重牛油味，配上大葱一齐食更正。日本多春鱼（两条) $20烧得脆口，没有鱼腥味。