重光弁当 (已結業)

平时好少过嚟新蒲岗， 见呢间店新开张试业， 又系黄店就同朋友专登嚟试下。 估唔到系咁细嘅商场， 系一楼会有食店。 舖头虽然细细，但食物令我有惊喜。 佢地嘅便当系即叫即做， 选择种类都多， 可能系试业关系。 等候时间会耐啲啲。 但绝对值得等。 佢地食材/便当盒都唔用大陆货， 所以佢地嘅便当价钱唔可以做得平。 但呢价钱食到咁嘅质素，我个人觉得值得。当日同朋友仔就谂咗好耐（因为样样都想食）， 最后就买咗个「唐扬炸鸡弁当」同埋「酱烧牛小排弁当」。炸鸡好味，咬落去鸡仲有肉汁， 唔会干身。 沙律酱亦系佢地自己调教出嚟， 唔系是但求其用普通沙律酱交货。 所以佢地系用心制作。 绝对推介你地嚟食。 而且佢地仲同黑金堂合作买茶。令我可以系度顺便饮埋黑金堂嘅茶。茶嘅种类有3种，蜜桃茶/ 荔枝茶/热带果茶（用菠萝，芒果，热情果嚟做）。 当日有幸遇到黑金堂老板， 同佢倾几句发现， 佢对茶嘅研究同要求都唔简单。 所以绝对推介加钱饮黑金堂嘅茶。便堂配茶， 一绝！