一汁一菜 (萬宜大廈)

营业中

休息中

一汁一菜 @中环🪡中环德辅道中68号万宜大厦地下G02号舖💰$70 -$100平时经过都唔知万宜大厦有间健康轻食餐厅，餐厅以日系装修风格，环境超级舒适，可以自选定食/自由搭配，啱晒大家既口味。🍽️咖哩定食 我选择定食套餐，啱哂有选择困难症既我。主食叫咗和风豚角蔬菜咖喱，咖哩超级浓郁，豚肉煮得好淋，吸收哂咖哩香味，蔬菜份量都好足，够哂健康🍽️日本味付溏心蛋饭，餐牌仲可以选择面包/乌冬/味噌渍饭/酱油茹菌饭，可按自已喜好选择。将溏心蛋mix埋饭一齐食，口感丰富。🍽️北海道产甜粟鸡肉豆乳浓汤每一啖都好多料，鸡肉软嫩多汁，豆乳令到汤更加浓郁顺滑，口感层次丰富。🍽️和风鸡肉烩厚扬豆腐厚扬豆腐外酥内嫩，搭配埋浓浓的和风酱汁，咸鲜中带有甜味，豆腐吸收哂酱汁的味道，食落香浓又唔腻。🍽️和风定食 我拣咗酱烧北海道十胜豚扒，豚扒煮得好入味，咬落好鲜嫩，送饭食一流。🍽️北海道产南瓜周打浓汤口感滑溜，南瓜味浓郁，仲有少少香料提味，唔会腻。每一啖好warm，特别啱依啲天气饮。🍽️西兰花吞拿王子沙律沙律好清新，将西兰花吞拿mix埋一齐，口感超特别，玉子沙律酱滑顺，营养又好食。