kikusan (已結業)

咁难得放假，又想食中式上海点心、又想食日本嘢，真系好难选择! 咁啱揾到一间两样都有，放工就即刻嚟希慎试下~嚟到嘅时候都大约3点几，要揾一间下午茶时段唔会休息嘅中式餐厅真系好难，呢到 会开放一半俾客人，空间阔落坐得好舒服，开放式厨房，可以听到点心师傅整小笼包～Kikusan卷 $68我都系俾呢个卷物，吸引咗嚟呢间餐厅， 上面布满澎湃嘅海胆、吞拿鱼蓉同鱼子粒，下面就系青瓜卷，虽然饭得嘅口感差少少，但呢个价钱嚟讲，都唔差!鸡肉小笼包$46见佢鸡肉整嘅小龙包几特别就系试下啦~肉汁都好多，如果可以系馅料方面增加啲口感，会更加好。花生黑芝麻驴打滚$38/6件比平时食嘅特别，呢到会煎封底面两边至金黄， 外脆内软更加烟韧，里面有满满嘅花生酱，外面布满椰丝同芝麻花生粒，食到停唔到口!我哋两个人，食咗4款食物2杯饮品，平均$ 150/位，食少少坐下都几好，试下啲新派小食。