京都勝牛x TOKYO DOLCI (已結業)

妈咪啱啱配完假牙，终于有牙可以开怀咁食饭，当然要带妈咪去食好西喇！荃湾广场既京都胜牛系日本黎既过江龙，之前都有向日本食过。但妈咪就从未食过，咁就决定带妈咪去试一试喇！中午时段，店里唔算有太多食客。我地一行4人，点左午市套餐 ～ 流心忌廉牛肉饼+翼板牛；豚牛二味套餐以及元祖炸牛排套餐。所有套餐均配有麦饭，椰菜沙律以及味噌汤，而且呢3样野都系可免费添加既👍🏻。椰菜配上芝麻酱真系太好食，每次都要添加3转以上🤣。餐厅选用原块美国及纽澳牛肉，所以油花均匀，食落口感充满弹性。如果嫌牛排太生既，仲可以叫店员点著枱面既小火炉稍微再煎一煎。